नेपालकै पहिलो प्याराग्लाइडिङ्ग पाइलट
राजेश बमजनसँगै दामोदर पराजुली, सानोबाबु सुनुवार र विमल अधिकारीले अस्थाई
प्याराग्लाइडिङ्ग इजाजत पत्र पाएको नागरिक उड्डयन कार्यालय पोखराका प्रमुख
दिपक बरालले जानकारी दिनुभयो । उनीहरुको स्वास्थ्य परीक्षण गरि
प्याराग्लाइडिङ्ग उडाएको अवलोकन पछि मात्रै लाइसेन्स दिइएको हो ।
अहिले अस्थाइ लाइसेन्सबाट शुरु गरिएको र
नियम बनीसकेपछि स्थाइ लाइसेन्स दिने बरालले बताउनुभयो । प्याराग्लाडिङ्ग
पाइलटले लाइसेन्स पाएपछि उनीहरुको बिमा गर्न सजिलो हुने बताउँदै बरालले
प्याराग्लाडिङ्ग पाइटल तथा यससम्बन्धी संस्थाहरुको लामो समयदेखिको माग पूरा
भएकोमा खुशी व्यक्त गरेको पनि जानकारी दिनुभएको छ ।
नेपालका पहिलो प्याराग्लाइडिङ्ग पाइलट
राजेश बमजन अब लाइसेन्स लिने प्याराग्लाडिङ्ग पाइलट पनि पहिलो बन्नुभएको छ ।
यस्तै अरु तीनजना प्याराग्लाइडिङ्ग पाइलटको परीक्षा लिनका लागि छनौट भएका
छन् । उनीहरुले अब नयाँ पाइलटको परिक्षा लिँदा प्राविधिकको रुपमा काम
गर्नेछन् ।
पोखरामा अहिले झण्डै १ सय २० जना टेन्डम
पाइलट रहेका छन् भने लाइसेन्सका लागि झण्डै ८० जनाले नागरिक उड्डयन
प्राधिकरणमा आवेदन दिएका छन् । अहिले प्याराग्लाडिङ्गको लाइसेन्स लिनका
लागि २५ डलर तिनुपर्छ ।
यसअघि नेपाली पाइलटले विदेशी लाइसेन्स या
विना लाइसेन्स नै प्याराग्लाडिङ्ग गर्दै आएका थिए । नेपालमा नै पहिलो पटक
पोखरामा सन् १९९६ देखि प्याराग्लाइडिङ्गको उडान शुरु भएको हो भने सन् २०००
देखि व्यवसायीक रुपमा उडान थालिएको थियो ।
Post a Comment