महोत्तरी, भदौ ११ – महोत्तरीको बर्दिबासमा
पार्किङ गरेर राखिएका तीन वटा बसमा आगजनी भएको छ । शुक्रबार राति
बर्दिबास–१ बरगाछी टोलमा पार्किङ गरेर राखिएका बसमा नचिनेका व्यक्तिको
समुहले पेट्रोल छर्केर आगो लगाएको हो ।
आगजनीबाट ना ५ ख ४९९५, ना ५ ख २६९४ र
एउटा अनटेष्ट बस जलेर नष्ट भएको छ । आगजनी गरिएका तीन वटै बस महोत्तरीको
औरही घर भएका मुकेश चौधरी रहेको प्रहरीले जनाएको छ ।
जलेश्वर–जनकपुर–काठमाडौं चल्दै आएका
नाइटबसलाई चौधरीले बन्दमा आफ्नो डेरा अगाडी पार्किङ गरेर राख्नुभएको थियो ।
रिसइवीको कारण पार्किङ गरेर राखिएको बसमा आगजनी भएको हुन सक्ने इलाका
प्रहरी कार्यालय बर्दिबासका प्रहरी निरीक्षक चण्डेश्वर यादवले बताउनुभयो ।
Post a Comment