भदौ
१२ – गैर कानूनी रुपमा युरोप प्रवेश गर्ने क्रममा आप्रवासीको ज्यान जाने
गरेको घटनाप्रति संयुक्त राष्ट्रसंघले चासो व्यक्त गरेको छ । आप्रवासीको
गैर कानूनी रुपमा युरोप प्रवेश गर्ने प्रयास र त्यसक्रममा हुने गरेको
मानवीय क्षति कम गर्न सबैले पहल गर्नु पर्ने राष्ट्रसंघले जनाएको छ ।
राष्ट्रसंघका महासचिव बान कि मुनले यो
समस्या समधानका लागि एकीकृत राजनीतिक प्रयासको खाँचो रहेको बताउनुभएको छ ।
महासचिव मुनले आप्रवासीको गन्तव्यका रुपमा रहेका देशलाई आप्रवासीको
प्रवेशका लागि सुरक्षित र कानूनी व्यवस्था फराकिलो पार्न आग्रह गर्नुभएको छ
।
गएको
बिहीबार अष्ट्रियामा एक लरीमा ७१ जना आप्रवासी मृत अवस्थामा फेला परेका
थिए । उनीहरु सिरियाका नागरिक रहेको आशंका गरिएपनि पुष्टी हुन सकेको छैन
।यस्तै लिबियाको बन्दरगाहामा डुंगा डुब्दा दुई सय भन्दा धेरैको ज्यान गएको
आशंका गरिएको छ ।
राष्ट्रसंघका महासचिव मुनले पछिल्ला केही
दिनमा भएका घटना डरलाग्दा र मुटुनै चुडिने खालको भएको भन्दै समस्या
समाधानका लागि एक हुन विश्वका नेतासँग आग्रह गर्नुभएको छ । मुख्य गरी
सिरिया, इराक तथा अफगानिस्तानका नागरिकले जोखिमपूर्ण यात्रा तय गर्दै
गैरकानूनी रुपमा युरोप प्रवेश गर्ने क्रममा ज्यान गुमाउने गरेका छन् ।
Post a Comment