वीरगंज, भदौ ९ - भन्सारमा
रोकिएका गाडी गन्तव्यमा पुर्याउन वीरगंज–पथलैया करिडोरमा पर्ने त्रिभुवन
राजपथलाई निषेधित क्षेत्र घोषणा गरिएको छ । आज बेलुकी ८ बजेदेखि बिहान ६
बजेसम्म राजमार्गलाई निषेधित क्षेत्र घोषणा गर्ने निर्णय भएको पर्साका
प्रहरी प्रमुख, प्रहरी उपरीक्षक दिवेश लोहनीले जानकारी दिनु भयो ।
नेपाली
सेना, सशस्त्र प्रहरी र नेपाल प्रहरीले निषेधित क्षेत्रमा गस्ती गर्ने
उहाँले बताउनु भयो । मधेश केन्द्रित दलहरुको अव्हानमा भैरहेको आन्दोलनका
कारण एकहजार भन्दा धेरै मालवाहक गाडी बीरगंज भन्सार पारी भारतीय सीमामा
रोकिएका छन ।
मालवाहक
ट्रक, कन्टेनर, प्लेटफर्म ट्रक, भेहिकल कार्गोलगायत गाडीको लर्को
सीमावर्ती भारतीय सहर रक्सौलको लक्ष्मीपुरसम्म पुगेको छ । अरुबेला दैनिक ५
सयसम्म मालवाहक गाडी वीरगंज भन्सार हुँदै नेपाल भित्रिने गरेको थियो ।
सीमापारी
रोकिएका बाहेक नेपाल भित्रिसकेका झण्डै एकहजार भन्दा बढी भारतीय गाडी
तोकिएको समयमा फर्कन नपाएको वीरगंज उद्योग वाणिज्य संघका सचिव दिपक
टिवडेवालले बताउनुभयो ।
Post a Comment