बर्दिया, भदौ १२ – चितवनदेखि कञ्चनपुरसम्म
थरुहट, थारुवान प्रदेशको माग गर्दै आन्दोलनरत थरुहट संघर्ष समिति र मधेसी
मुक्ती मोर्चाले शनिबार एक दिनका लागि बर्दियामा यातायात र बजार खुला गर्ने
निर्णय गरेको छ ।
जनैपूर्णिमाको अवसर पारी शनिबार एक दिनका
लागि यातायात र बजार खुला गर्ने निर्णय गरीएको थारु संघर्ष समिति बर्दियाका
प्रवक्ता देवमान चौधरीले जानकारी दिनुभयो । १८ दिनदेखि थरुहटले गरेको
बन्दका कारण बर्दियाको जनजीवन प्रभावित भएको थियो ।
बन्द खुलेसँगै बिहानैदेखि गाडी चल्न
थालेका छन् । बजार पनि खुलेका छन् । बजारमा मानिसको चहलपहल बढेको छ ।
आन्दोलनका कार्यक्रम यथावत रहेको र आइतबारदेखि १६ गतेसम्मको घोषित
कार्यक्रम अनुसार यातायात र बजार बन्द हुने चौधरीले बताउनुभयो ।
जिल्ला प्रशासन कर्यालयमा शुक्रबार बसेको
सर्वपक्षिय बैठकमा बन्द कार्यक्रममा लाठी, गुलेली लगायतका घरेलु हतियार
प्रदर्शन नगर्ने, शान्ति सद्भाव नखल्बलिने खालको कार्यक्रम गर्ने निर्णय
भएको थियो ।
बन्द खेलेपनि जिल्ला प्रशासन कार्यालयले
सदरमुकाम गुलरीया र राजापुरमा लगाएको निषेधाज्ञा भने अर्को सूचना जारी
नहुँदा सम्मका लागि जारी छ । सभा, जुलुस लगायतका कार्यक्रम गर्न निषेध
गरीएको छ ।
Post a Comment