राजविराज,
भदौ ४– आन्दोलनका क्रममा ज्यान गुमाउनेलाई ५० लाख रुपैंया दिने निर्णय
वर्तमान समयको माग भएको मधेशी मोर्चाका नेताहरुले दावी गरेका छन् । यो
निर्णयको चौतर्फीबाट बिरोध भैरहँदा शुक्रबार सप्तरी सदरमुकाम राजविराजमा
संयूक्त पत्रकार सम्मेलन गर्दै मोर्चाका नेताहरुले यस्तो दावी गरेका हुन्
।
१० लाख रुपैंयाले सहिदको उचित सम्मान हुन
नसक्ने भन्दै मोर्चाका संयोजक उपेन्द्र यादवले सहिदको सम्मानका लागि रकम
वढाएर ५० लाख बनाइएको बताउनुभयो । उहाँले आन्दोलनमा मर्नलाई प्रोत्साहन
गर्न वा आन्दोलनकारीलाई आराजक तथा हिंस्रक बनाउनलाई यस्तो निर्णय नगरेको
दावी समेत गर्नुभयो ।
मानव जीवनको कुनै मूल्य नहुने गरेको
बताउँदै यादवले आन्दोलनलाई सकेसम्म शान्तिपूर्ण र संयमित पार्न नेता तथा
कार्यकर्तालाई निर्देशन समेत दिएको बताउनुभयो ।
मधेशी जनताको मागलाई मध्यनजर गर्दै उचित
समयमा मधेशवादी दलले सामुहिक रुपमा संविधानसभा समेत छाड्न सक्ने बताउँदै
यादवले समय आए एक मिनेट पनि संविधान सभामा नबस्ने बताउनुभयो । मोर्चाका
अर्का नेता तथा सद्भावना पार्टीका अध्यक्ष राजेन्द्र महतोले विगतका सहमति
सम्झौता कार्यान्वयन नभएसम्म आन्दोलन नरोकिने बताउनुभयो ।
Post a Comment