पर्सा, भदौ ७ – सात प्रदेशको सीमांकन
मिलाउने बेला मुख्य तीन दलले पर्साको ठोरीलाई प्रदेश नं. ३ मा राख्ने सहमति
गरेका थिए । यसो हुँदा ठोरी गाविस पर्सामा नभएर चितवन जिल्लामा पर्छ । यो
सहमतिको पर्साका राजनीतिक दल र नागरिकले तीव्र बिरोध गरे । दलहरुले ठोरी
पर्सामै पर्छ भन्ने आश्वासन दिइसकेका छैनन् । तर आइतबार संविधानसभामा पेश
भएको मस्यौदा समितिको विधेयकमा ठोरी गाविस पर्सामै राखिएको छ ।
त्यसो भए सात प्रदेशको सीमांकनमा फेरि
हेरफेर भएको हो त ? ‘यसबारे अझै प्रष्ट भैसकेको छैन’ मस्यौदा समिति सदस्य
अइन्द्र सुन्दर नेम्वाङले उज्यालो अनलाइनसँग भन्नुभयो, ‘सानो ठाउँ भएकाले
नक्सामा नदेखिएको पनि हुन सक्छ ।’ त्यसो त सीमांकनबारे बिभिन्न क्षेत्र र
जिल्लाबाट बिरोध भैरहेकाले फेरि हेरफेर हुने उहाँको भनाई छ । सीमांकन
परिमार्जन हुने भएकाले ठोरी गाविस लगायतका अरु जिल्लाको बारेमा यही नै
अन्तिम हो भन्न नमिल्ने उहाँले बताउनुभयो ।
Post a Comment