बारा,
साउन ९ - छिमेकीको घर तोडफोड गरेको आरोप लागेपछि छलफलका लागि बोलाउने
प्रहरीलाई गाली गरेको आरोपमा पक्राउ परेका पूर्व सभासद शिवचन्द्र कुशवाहलाई
रिहा गर्न माग गर्दै उनको समर्थकले बाराको कलैयामा प्रदर्शन गरेका छन् ।
कुशवाहका
आफन्तसहित, नेपाली कांग्रेस र एनेकपा माओवादीका केही कार्यकर्ता तथा
सदभावना पार्टीका कार्यकर्ताले कलैया भरतचौकमा धर्ना दिएका हुन् । तीन सयको
संख्यामा रहेका कुशवाहका समर्थकले कुशवाहलाई प्रहरीले दमन गरेको भन्दै
प्रहरी दमन बन्द गर, कुशवाहलाई बिना शर्त रिहा गर लगायतका माग लेखेको
प्ले कार्डसहित प्रदर्शनमा उत्रिएका हुन । उनीहरुले कलैया वीरगन्ज सडक खण्ड
पनि अवरुद्ध गरेका छन् ।
महागढीमाई
८ का लालदेव राउत बरैको घरमा तोडाफोड गरेको अभियोगमा प्रहरीले छलफलका
लागि कार्यालयमा बोलाएको थियो । प्रहरीले बोलाएपछि जिल्ला प्रहरी कार्यालय
पुगेका पूर्वसभासद कुशवाहले प्रहरी उपरीक्षक लोकेन्द्रबहादुर मल्ल र नायब
उपरीक्षक रवीन्द्र रेग्मीलाई दुर्व्यवहार गरेका थिए । त्यसपछि प्रहरीले उनलाई समातेर थुनेको थियो ।
Post a Comment