रुकुम, भदाै ३ - रुकुमलाई प्रदेश ५ मा
समेट्नुपर्ने भन्दै जिल्लामा आन्दोलन भैरहेको छ । सबैलाई आफनो माग पूरा
गर्ने चटारो छ । तर अविरल वर्षाका कारण जोखिममा परेको वस्तीको बारेमा भने
कसैलाई पनि चासो र चिन्ता छैन । बाटोमा खसेको पहिरो र ढुङगा हटाउनु त परको
कुरा, आफ्नै घर माथिको भल समेत छेक्न नसक्दा स्थानीयबासिन्दा जोखिममा छन् ।
जोखिम बढ्दै गएपछि नेपाली सेनाको देवीदल
गणको टोली बाटोमा खसेको पहिरो हटाउँदै जोखिम वस्तीलाई सुरक्षित ठाउँमा
सार्न प्रभावित गाउँ प्रवेश गरेको छ । राप्ती
राजमार्ग अन्तर्गत मुसिकोट सोलावाङ्ग सडक खण्डमा पहिरो खस्दा आएको ढुङगा
हटाउन नसक्दा दुई दिनसम्म यातायात सेवा अवरुद्ध भयोे । कतैबाट बाटो खुलाउने
प्रयास समेत भएन ।
यो
खवर सुन्ने बित्तिकै सेनाको टोलीले ढुङगा फुटाएर क्षणभरमा बाटो खुलायो ।
यी त सदरमुकाम आसपासका कामहरु भए, तर यतिबेला नेपाली सेनाको एउटा टोली
पश्चिम घेत्मा गाबिसमा पहिरोको जोखिममा रहेका सयांै घरहरुलाई बचाउने काममा
जुटेको छ ।
सोमबार राती पहिरोमा परेर दुई जनाको ज्यान
गएपछि वस्तीका अरु बासिन्दालाई सुरक्षित ठाउँमा सार्न सेनाको टोली त्यहाँ
पुगेको छ । घेत्माका शिक्षक बालराम खड्काले झण्डै दुई दर्जन घरहरु जोखिममा
रहेको र नेपाली सेनाले गाउँ माथिको भल छेक्ने काम गरिरहेको बताउनु भयो ।
‘झण्डै एक किलोमिटर कुलो बनाएर सेनाले गाउँ बचाएको छ, अब त पहिरो जाँदैनन
कि’ उहाँले भन्नुभयो ।
उहाँका अनुसार घेत्मा सेनाले त्रिपाल तथा
अन्य खाद्यान्न सामग्री समेत वितरण गरेको छ । यस्तै जिल्लाको भलाक्चा, रुघा
लगायतका गाबिसका विद्यालयहरुमा पनि पहिरो हटाएर खेलमैदानहरु निर्माण
गरिएको सेनाले जनाएको छ । पानीमा
भिज्दै नागरिकलाई राहत होस भनेर सेनाले काम गरिरहेको घेत्माका बासिन्दा
भिमबहादुर थापाले बताउनु भयो । सेनाको कामले राज्यको आर्थिक लगानी पनि
बचेको थापाले बताउनु भयो । जिल्लाका
४१ गाबिसमा कहा कतिबेला प्राकृतिक विपद् हुन सक्छ भनेर सेनाले बेला बेला
सुचना समेत संकलन गरिरहेको हुन्छ । गएको दुई महिनामा १० लाख रुपैंया
बराबरको श्रमदान गरेर जिल्लाका विभिन्न स्थानमा सेनाले भौतिक संरचनाहरु
समेत निर्माण गरेको छ । जिल्लाको चौखावाङ, स्यालापखा लगायतका केही
गाबिसहरु पहिरोको उच्च जोखिममा रहेकाले उच्च सतर्कता अपनाइएको देवीदल गणका
गणपति डम्बर बहादुर दर्लामीले जानकारी दिनु भयो । विद्यालयको खेलमैदान,
बाटो, मन्दिर निर्माण जस्ता कामहरुमा नागरिकले सहयोग मागेको गणपति
दर्लामीले बताउनु भयो ।
Post a Comment