काठमाडौं, भदौ ३ – नेपाल र भारतबीच
पाइपलाइन बिस्तार सम्झौता आउँदो आइतबार हुने भएको छ । पेट्रोलियम पदार्थको
ढुवानी सहज बनाउन बहुप्रतिक्षित अमलेखगञजदेखि रक्सौलसम्मको पाइपलाइन
बिस्तारको कामले सम्झौतासँग औपचारिकता पाउने भएको छ ।
सम्झौताका लागि भारतका पेट्रोलियम
मन्त्री, इन्डियन आयल कर्पोरेशनका अध्यक्षसहित ११ सदस्यीय टोली काठमाडौं
आउने भएको छ । सम्झौतामा के कस्ता कुरा रहने छन् भन्ने बारेमा नेपाल आयल
निगमले शुक्रबार पत्रकार सम्मेलन गरी औपचारिक जानकारी दिने भएको छ ।
नेपालले १८ वर्ष अघिदेखि अमलेखगञ्जदेखि
रक्सौलसम्म पाइपलाई बिस्तार गरेर पेट्रोलियम पदार्थको ढुवानी गर्ने
प्रस्ताव गर्दै आएको थियो । तर सम्झौता हुन नसक्दा कामले हुन सकेको थिएन ।
गएको साउन २८ गते भारतको मन्त्रिपरिषदले
पाइपलाइन बनाउने निर्णय गरेको थियो । पाइपलाई बिस्तार सम्झौता भएर काम
सम्पन्न भएपछि नेपालमा पेट्रोलियम पदार्थको ढुवानी सहज हुनेछ भने ढुवानी
खर्च पनि कम हुनेछ ।
Post a Comment