म्यानचेस्टर युनाइटेडका सिल्भा फ्रान्सेली क्लब लियोनमा अनुबन्धित

साउन १९ – इंग्लिस क्लब म्यानचेस्टर युनाइटेडका राफेल डा सिल्भा फ्रान्सेली क्लब लियोनमा अनुबन्धित भएका छन् । २५ वर्षका ब्राजिलियन खेलाडी सिल्भा चार वर्षका लागि लियोनमा अनुबन्धित भएका हुन् । उनी कति मुल्यमा अनुबन्धित भएका हुन् भन्ने खुलाइएको छैन ।

सिल्भा सन् २००८ मा जुम्ल्याहा दाई फाबियोसँगै म्याचनेस्टर युनाइटेडमा अनुबन्धित भएका थिए । सिल्भा गएको सिजनामा प्रशिक्षक लुइस भान गालको रोजाइमा पर्न सकेको थिएनन् । उनले गएको सिजनामा मात्रै ६ खेल खलेका थिए । सात वर्षको युनाइटेड बसाइमा सिल्भाले तीन वटा इंग्लिस प्रिमियर लिग तथा एक एक वटा क्लब वल्र्ड कप र लिग कपको उपाधि जितेका थिए । सिल्भाका दाई फाबियोले यस अघि नै युनाइटेड छाडिसकेका छन् । फाबियो सन् २०१४ को जनवरीमा कार्डिफमा अनुबन्धित भएका थिए ।

– एजेन्सीको सहयोगमा