काठमाडौं, असार २८ – कालोबजारी
नियन्त्रण गर्न बजार अनुगमनलाई तीव्रता दिएको सरकारले दाबी गरेपनि
प्रभावकारी हुन सकेको छैन । सरकारले खाद्य वस्तु लगायत दैनिक उपभोग्य
वस्तुमा भैरहेको कालोबजारी रोक्न लामो समयदेखि अनुगमन गरिरहेको छ ।
तर दक्ष कर्मचारीको अभाव र नाम मात्रैको
अनुगमनका कारण सोचेजति उपलब्धी हुन नसकेको वाणिज्य तथा आपूर्ति व्यवस्थापन
विभागका कर्मचारी नै बताउँछन् । उनीहरुका अनुसार भूकम्पछि जस्तापातामा
गरिएको अनुगमन भने केही प्रभावकारी देखिएको छ ।
बाँकी अरु क्षेत्रमा भने खासै सुधार भएको
छैन । यस्तै बजार अनुगमनका क्रममा काठमाडौं उपत्यकाका धेरैजसो बधशाला र
मासु पसल निकै फोहोर हुने गरेको भेटिएको छ । जस्तोसुकै ठाउँमा पनि बधशाला
राख्ने गरेको पाइएको छ । धेरै ठाउँका मासु पसल फोहोर भेटिएको विभागका
निर्देशक हरिनारायण बेल्वासेले बताउनुभयो ।
साभार : उज्यालो अनलाईन
Post a Comment