पूरक परीक्षा दिँदादिँदै छोरा जन्मियो

भोजपुर, साउन २२ - भोजपुरमा एसएलसीको पूरक परीक्षा दिँदादिँदै एक परीक्षार्थीले बच्चा जन्माएकी छन् । सदरमुकामस्थित यशोधरा उच्च माध्यमिक विद्यालय टक्सार परीक्षा केन्द्रमा गणित विषयको परीक्षा दिंदै गर्दा जनोदय उच्च मावि कोटकी मीना शेर्पाले आज बिहान छोरा जन्माएकी हुन् ।

उत्तरपुस्तिकामा भर्खर लेख्न शुरु गरेकी शेर्पालाई सुत्केरी व्यथाले च्यापेपछि परीक्षा हल बाहिर निकालिएको थियो । उनले परीक्षा केन्द्र प्राङ्गणमै शिशुलाई जन्म दिएकी हुन् । मिना र बच्चा दुवैको स्वास्थ्य ठिक रहेको शेर्पाको परिवारले जनाएको छ ।