गोठाले नाटकघरमा थप १० दिन ‘लाटो पहाड’

 

काठमाडौं, साउन १७ – काठमाडौंको बत्तिसपुतलीमा रहेको गोठाले नाटक घर शिल्पीमा मञ्चन भैरहेको नाटक लाटो पहाड थप १० दिनसम्म मञ्चन हुने भएको छ । गएको असार ३१ गतेदेखि मञ्च सुरु भएको नाटक लाडो पहाड साउन १८ गतेसम्म मञ्चन हुने तय भएकोमा दर्शकको आग्रहका कारण १० दिन थप गरिएको हो ।

अब यो नाटक साउन २८ गतेसम्म मञ्चन हुने नाटकमा पूर्वी पहाडको वास्तविक जीवनशैली, भेषभुषा र भौगोलिक अवस्थालाई चित्रण गर्न हरदम प्रयास गरिएको छ । नाटकघरको सीमित क्षेत्रमा पहाडको एक गाउँ, पहाड, बाटो लयागतका दृष्यलाई समेटिएको छ । उपेन्द्र सुब्बाको लेखन तथा घिमिरे युवराजले नाट्य रुपान्तरण गरेको लाटो पहाड किरण चाम्लिङको निर्देशनमा मञ्चन भैरहेको छ ।