प्रिमियर लिगमा म्यानयुको जित

काठमाडौं, साउन ३० - इंग्लिस प्रिमियर लिगको आफ्नो दोश्रो खेलमा म्यानचेष्टर युनाइटेड विजयी भएको छ । म्यानयुले शुक्रबार राती भएको खेलमा एस्टनभिल्लालाई १–० ले हरायो । म्यानयुलाई जिताउन खेलको एक मात्र गोल एडनन जानुजाईले पहिलो हाफमा गरेका थिए । यो जितपछि म्यानचेष्टर युनाइटेड सन् २०१३  को अगस्टपछि पहिलो पल्ट लिगको शीर्ष स्थानमा उक्लिएको छ । यद्यपी लिगमा अरु टिमले शनिबार दोश्रो चरणका खेल खेल्न बाँकी नै छ । गएको अप्रिलमा न्युक्यास्टलविरुद्ध गोल गरेका जानुजाईले त्यसपछि पहिलो पल्ट 

गोल गरेका हुन् । एस्टन भिल्लाले म्यानचेष्टर युनाइटेडविरुद्ध खेलेका पछिल्ला ४० खेलमा एउटा खेल मात्र जितेको छ ।  जितपछि म्यानयुका प्रशिक्षक लुईस भान गालले लिगको पहिलो खेलमा भन्दा यो पटक राम्रो खेलेको प्रतिक्रिया दिए । अग्रता लिएपछि केहि नर्वस भएपनि खेलाडीले दोश्रो हाफमा खेलमा नियन्त्रण राखेको उनको भनाई छ ।