रोजीरोटीका
लागि युएईको एमएबी क्लिनिङ कम्पनीमा क्लिनरको रुपमा काम गर्न आएकी काभ्रे
कुपिन्टारकी सोममाया तामाङ गोले यतिबेला युएईको अलऐनमा रहेको अस्पतालमा
उपचाररत हुनुहुन्छ ।
३ महिना पहिले स्वास्थ्य समस्या देखिए पछि
गोलेलाई अलएेनमा रहेको अलजिमी अस्पताल लगिएको थियो । अस्पतालले
प्यारालाइसिस भएको प्रमाणित गरेपछि उहाँको अहिले त्यहि उपचार भइरहेको छ ।
ठूलो सपना बोकेर परिवार, आफन्त र देश
छोडेर बिदेशिएकी सोम माँयाको सपना अहिले अस्पतालको बेडमा सिमित भएको छ ।
शरीरको माथिल्लो कुनै पनि भागले काम गरेको छैन, न बोल्न सक्नुहुन्छ न कुनै
ईशारानै । उपचारका लागि सहयोग जुटाउन आवश्यक भएको उहाँलाई भेटेर आएपछि
तामाङ समाज युएईका केन्द्रिय सदस्य सुनिल लामाले उज्यालो अनलाइनलाई जानकारी
दिनुभयो ।
अस्पतालमा गोलेलाई भेटेर सहयोगका लागि
सामाजिक सन्जालमार्फत अनुरोध गर्दै लामाले घरदेशकी महिलाले परदेशमा दुस्ख
पाउँदा सबै मिलेर सहयोग जुटाउनु पर्ने बताउनुभयो ।
हालस् उहाँको स्वास्थ्यस्थिती नाजुक रहेको
र दैनिक कम्पनीमा काम गर्न सक्ने अवस्था नभएकोले आश्रित परिवारकोसमेत
गर्जो टार्न समस्या छ । त्यसैले सहयोगका लागि पहल गरीदिन उहाँलाई भेट्न
अस्पतालमै पुगेका तामाङ समाज अलएेन क्षेत्रीय समितिका उपाध्यक्ष शैलेश
लामाले बताउनुभयो ।
गोलेको अहिलेसम्म उपचार खर्च कम्पनीले नै
ब्यहोरेको छ । उहाँको उपचारमा ३ लाख युएई दिराम खर्च भई सक्दा पनि निको
नभएपछि कम्पनीले उहाँलाई नेपाल पठाउने तयारी गरेको छ । परिवारमा आर्थिक
समस्या भएकोले परिवारकी जेठी छोरी उहाँ उमेर बढाएको पासपोर्ट बोकेर युएई
आउनु भउको थियो । गोलसँगै काम गर्ने साथीहरुले काभ्रेमा रहेका परिवारलाई
उहाँको स्थितिका बारेमा जानकारी गराइसकेका छन् ।
Post a Comment