महेन्द्रनगर, भदौ २ - बन्दका कारण
कञ्चनपुरमा दैनिक ८ मेट्रिकटन तरकारी खेर गइरहेको छ । दुई हप्तादेखिको
लगातारको बन्दले कञ्चनपुरमा दैनिक ८ मेट्रिकटन तरकारी खेर गइरहेको जिल्ला
कृषि विकास कार्यालय कञ्चनपुरले जनाएको छ ।
बन्दका कारण कञ्चनपुरको दक्षिणी क्षेत्रमा
उत्पादित तरकारी धनगढीको बजारमा बिक्री गर्न समस्या देखिएको जिल्ला कृषि
विकास कार्यालय कञ्चनपुरका वागबानी विकास अधिकृत चोपनारायण खनालले जानकारी
दिनुभयो । उहाँका अनुसार बन्दका कारण उत्पादित तरकारी बजारसम्म पु¥याउन
नसक्दा किसानले दैनिक १ लाख ६० हजार रुपैयाँ आम्दानी गुमाउनुपरेको परेको छ
।
उत्पादित तरकारी नजिकको बजार अत्तरिया र
धनगढी पु¥याउन नसक्दा समस्या भइरहेको रैकवारविचवा गाविस वडा नम्बर–५
शान्तिपुरका हेमराज डगौराले बताउनुभयो । उहाँका अनुसार बन्दका कारण
अत्तरिया र धनगढीका हाटबजार र सब्जीमण्डी बन्द भएकाले तरकारी बिक्रीवितरण
प्रभावित भएको छ । २ हप्तासम्म लगातार बन्द हुँदा रैकवारविचवाका किसानको १०
क्वीन्टल तरकारी खेर गएको डगौराले बताउनुभयो ।
कञ्चनपुर र कैलालीमा भइरहेको लगातारको
बन्दका कारण किसानको उत्पादन बजारसम्म पु¥याउन समस्या भएको छ । कञ्चनपुरको
रैकवारविचवा र कृष्णपुर गाविसमा उत्पादित तरकारी नजिकको बजारसम्म पुर्याउन
समस्या भएको हो ।
Post a Comment