१२
असोज, रुपन्देही । भैरहवाको बेलहिया नाकामा भारतीय सीमाबाट नेपालतर्फ
ढुंगा प्रहार भएपछि स्थिति तनावग्रस्त भएको छ । अहिले भारतीय भूमिबाट नेपाल
सरकार विरूद्ध नाराबाजी भैरहेको छ ।
मंगलबार तराई मधेस लोकतान्त्रिक पार्टीका बरिष्ठ उपाध्यक्ष हृदयश
त्रिपाठीको नेतृत्वमा मोर्चाका कार्यकर्ताहरु नाकामा धर्नामा बस्ने
कार्यक्रम थियो । सो कार्यक्रममा सहभागी हुन त्रिपाठी विहान ९ बजेको पहिलो
उडानबाट काठमाडौंबाट भैरहवा पुगिसकेका थिए। मोर्चाका कार्यकर्ताहरु पनि
नाका वरपर जम्मा भएका थिए ।
तर, नेता त्रिपाठी धर्नामा जान नपाउँदै भारतीय भूमिबाट ढुंगा हानिएपछि
स्थिति तनावपूर्ण बनेको छ । नेपालीले पनि भारतीय भूमितर्फ ढुङ्गा हान्ने
प्रयास गरेपछि प्रहरीले केही आन्दोलनकारीलाई नियन्त्रणमा लिएको छ ।
Post a Comment