काठमाडौं, असोज १२ – भारतले नेपालमा गरेको
अघोषित नाकाबन्दीको विरोधमा देशभर हिन्दी च्यानलको प्रशारण बन्द भएको छ ।
केबल टेलिभिजन सञ्चालकले मंगलबार बिहान १० बजेदेखि देशभर हिन्दी च्यानलको
प्रशारण बन्द भएको हो ।
सोमबार बसको नेपाल केबुल टेलिभिजन संघ र
नेपाल केबुल टेलिभिजन एसोसिएसनको संयुक्त बैठकले भारतको नाकाबन्दीको
विरोधमा हिन्दी च्यानलको प्रशारण बन्द गर्ने निर्णय गरेको हो ।
राष्ट्रिय स्वाधिनतामाथि गम्भीर हस्तक्षेप
भएको निष्कर्ष निकाल्दै हिन्दी च्यानलको प्रशारण बन्द गर्ने निर्णय भएको
नेपाल केबुल टेलिभिजन संघका अध्यक्ष सुधीर पराजुलीले बताउनुभयो । हिन्दी
च्यानलको प्रशारण अनिश्चितकालका लागि बन्द गरिएको हो ।
चितवन, पोखरा र महेन्द्रनगरमा यसअघि नै
हिन्दी च्यानलको प्रशारण बन्द भएको संघले जनाएको छ । नेत्रविक्रम चन्द
विप्लव नेतृत्वको नेकपा माओवादीले पनि हिन्दी च्यानलको प्रशारण बन्द गर्न
दबाब दिएको थियो ।
Post a Comment