काठमाडौं, साउन २३ चेल्सीका प्रशिक्षक
जोसे मोरिन्होले क्लवसँग ४ वर्षका लागि सम्झौता नवीकरण गरेका छन् । यो नयाँ
सम्झौतापछि ५२ वर्षका मोरिन्हो सन् २०१९ सम्म चेल्सीको प्रशिक्षक रहने
पक्का भएको छ ।
यसअघि सन् २००४ देखि २००७ सम्म ३ वर्ष
चेल्सीका प्रशिक्षक रहेका मोरिन्हो सन् २०१३ मा चेल्सी फर्किएका थिए । उनको
सम्झौता आउँदो वर्षसम्मका लागि भएपनि चेल्सीले त्यसअघि नै उनीसँग थप ४
वर्षको सम्झौता गरेको हो । मोरिन्होकै प्रशिक्षणमा चेल्सीले गत सिजन
प्रिमियर लिग र क्यापिटल वान कपको उपाधि जितेको थियो ।
सम्झौतापछि मोरिन्होले चेल्सीमा लामो समय
बस्न पाउने भएकाले आफूलाई खुुसी लागेको बताए । ‘यो मलाई मन पर्ने क्लव हो
।’ उनले भने ‘मन पर्ने क्लवमा लामो समय काम गर्न पाउँदा मलाई औधी खुसी
लागेको छ ।’
Post a Comment