जनकपुर, भदौ १८ – जिल्ला प्रशासन कार्यालय
धनुषाले सरकारी कार्यालय क्षेत्रमा जारी गरेको अनिश्चितकालिन निषेधाज्ञा
शुक्रबार दिउँसोबाट फिर्ता लिएको छ ।
संयुक्त लोकतान्त्रिक मधेसीमोर्चाको
आन्दोलन उग्रबन्दै गएपछि सरकारी कार्यालय असुरक्षित भएको भन्दै स्थानीय
प्रशासनले बुधबार दिउँसो १२ बजेदेखि सरकारी कार्यालय क्षेत्रमा
अनिश्चितकालिन निषेधाज्ञा जारी गरेको थियो ।
आन्दोलन जारी रहेपनि शनिबार पर्ने
कृष्णजन्माष्टमी पर्व नागरिकले सजिलोसँग मनाउन पाउन् भन्ने उदेश्यले
निशेधाज्ञा फिर्ता लिइएको प्रशासनले जनाएको छ । शुक्रबार दिउँसो १ बजेदेखि
निषेधाज्ञा फिर्ता लिएको धनुषाका प्रमुख जिल्ला अधिकारी कालीप्रसाद
पराजुलीले जानकारी दिनुभयो ।
शुक्रबार बसेको जिल्ला सुरक्षा समितिको बैठको निषेधाज्ञा फिर्ता लिने निर्णय गरेको उहाँले बताउनुभयो ।
Post a Comment