धादिङमा ज्यान गुमाउने सबैको सनाखत

धादिङ, भदौ २२ - धादिङको जीवनपुरमा हिजो बेलुकी भएको बस दुर्घटनामा ज्यान गुमाउने सबै ६ जनाको सनाखत भएको छ ।  ज्यान गुमाउने सबै जीवनपुर ५ का रहेका प्रहरीले जनाएको छ ।प्रहरीका अनुसार ५५ वर्षिय प्रकास तिमल्सिना, ४० वर्षिया प्रमिला ढुंगाना, ५५ वर्षिया ठूलीकान्छी तामाङ, १९ वर्षिया रजिंता ढुंगाना, १९ वर्षिया अन्जु तामाङ र ५० वर्षिया कान्छी रेग्मीको ज्यान गएको हो ।

दुर्घटनामा घाइते भएका ३३ जनाको काठमाण्डूमा उपचार भैहरेको छ । गम्भीर घाइतेको न्यूरो अस्पतालमा, १७ जनाको वीर अस्पतालको ट्रमा सेन्टर र वीर अस्पतालमा तथा अरु घाइतेको विभिन्न अस्पतालमा उपचार भैहरेको छ । ललितपुरको गोदावरीमा मेला भरेर फर्केका तिर्थालु चढेको बा २ ख २३२१ नम्बरको बस हिजो जीवनपुर गाविसको चिउरीबोटमा सडकबाट तल खस्दा दुर्घटना भएको हो ।