काठमाडौं , साउन १२ - ललितपुरको नख्खुमा
मोटरसाइकललाई ठक्कर दिने बसका चालकलाई ट्राफिक प्रहरीले पक्रेको छ । गएको
शुक्रवार बा ५१ प ७८९३ नम्बरको मोटरसाइकललाई ठक्कर दिने ना ५ ख ३७४४
नम्बरको बसका चालक सर्लाहीको ईश्वरपुरका दिपनारायण दनुवारलाई ट्राफिक
प्रहरीले काठमाडौंको महाराजगञ्ज चप्पल कारखानाबाट पक्राउ गरेको हो ।
उनले तीन दिनसम्म प्रहरीलाई झुक्याएको
जिल्ला ट्राफिक प्रहरी कार्यालय ललितपुरका प्रमुख हाछेथुले जानकारी दिनुभयो
। ‘सुरुमा बालुवाटार बाेलायो, त्यहाँ पुगेपछि पानीपोखरी छु भन्यो । तर ऊ त
सर्लाही पो पुगेछ ।’
हाछेथुले भन्नुभयो ‘त्यसपछि मसँग लाइसेन्स
छैन म आउँदिन भन्यो तर चालक नआई गाडी छोड्दिन भनेपछि बल्ल समितिको सहयोगमा
उसलाई समात्यौं ।’ शुक्रवार भएको
दुर्घटनामा काठमाडौं कुलेश्वर बस्ने रौतहटका आकाश सिंह र अदमान सिंह घाइते
भएका थिए । आकाशको दाहिने खुट्टा छिनेको छ ।
दुर्घटना गराउने चालकलाई पनि कारवाही गर्ने
ट्राफिक प्रहरीले अव दुर्घटना गराउने
चालकलाई पनि कारवाही गर्ने भएको छ । अहिलेसम्म दुर्घटना भएपछि यातायात
समिति र पीडित पक्षविचको सहमतिमा मुद्दा मिलाउने गरिएपनि अव भने चालकलाई
कारवाही गरिने ललितपुरका ट्राफिक प्रहरी प्रमुख हाछेथुले बताउनुभयो ।
Post a Comment