पर्वत , साउन ५ - गाउँमाथि बाट पहिरो झर्न
थालेपछि पर्वतको देउराली गाविस जयले बस्ती जोखिममा परेको छ । माथिबाट
निरन्तर पहिरो बग्ने क्रम बढेपछि देउराली गाबिस –६ जयलेका १८ घर जोखिममा
परेका हुन ।
गत बर्ष गएको सानो पहिरो, भूकम्प र
निरन्तरको वर्षा पछि बढ्न थालेको छ । असार ३१ र साउन १ गते पहिरो बढेपछि ४
घर विस्थापित भएका छन भने अन्य परिवार पनि जुनसुकै बेला पनि पहिरो आउने
डरले जोखिम मोलेर बसिरहेका छन् ।
गाउँमा
पहिलेदेखि नै गएको पहिरो भूकम्पका कारण जमिन हल्लिएपछि र बर्षा बढेपछि
ठुलो हुँदै गएको छ । गाउँ माथिको डाँडो नै पहिरोको रुपमा झर्न सक्ने चिन्ता
रहेको एकनाथ शर्माले बताउनुभयो ।
‘अब घरमा बस्न सक्ने अवस्था छैन’
देउरालीस्थित हिमालय माविका प्रधानाध्यापक समेत रहनुभएका शर्माले भन्नुभयो
‘पहिरो रोक्ने वा बैकल्पिक आवासको ब्यवस्था गर्नुपर्छ ।’ जिल्ला प्रशासन र
प्रहरीलाई पहिरोको जोखिमका बारेमा जानकारी गराएपनि स्थगलत रुपमा हेर्ने
बाहेक अन्य काम नभएको शर्माले बताउनुभयो ।
‘पहिरो रोकथामको कुनै उपाय नगर्ने हो भने
मानवीय र भौतिक क्षति हुने खतरा रहेको छ’ उहाँले भन्नुभयो ‘बस्ती नै जोखिमा
परेकाले अझै ठुलो समस्या सृजना हुन सक्छ ।’
Post a Comment