राजविराज, साउन ४ – संविधान सभाको मस्यौदा
उपर सोमवार सप्तरीमा भएको सुझाव संकलन कार्यक्रममा क्रममा आन्दोलनरत
मधेशवादी दलका कार्यकर्ता र प्रहरी बिच झडप भएको छ । झडपमा १५ जना प्रदर्शनकारी घाईते भएका छन् ।
राजविराजस्थित
जिल्ला विकास समितिको सभाकक्षमा सभासद उमेशकुमार यादव, रञ्जु ठाकुर,
सकलदेव सुतिहार, मिथिला चौधरी लगायतको उपस्थितीमा भइरहेको सुझाव सम्बन्धी
छलफल भइरहेको बेला संघीय समाजवादी फोरम, सदभावना पार्टी, तराई मधेश
लोकतान्त्रिक
पार्टीलगायतका दलका नेता कार्यकर्ताहरुले प्रदशैन गरेका थिए । उनीहरुले
जिल्ला विकास परिसरमा नारावाजी गर्दै संविधानको मस्यौदासमेत जलाएका थिए । झडपमा
संघीय समाजवादी फोरमका केन्द्रीय सदस्य शैलेन्द्रप्रसाद साह, जिल्ला
अध्यक्ष दिनेश यादव, केदार प्रसाद यादव, उमेशकुमार यादव, नवनित झा
सदभावनाका दिनेशकुमार यादव लगायतका घाईते भएका छन् ।
त्यस्तै क्षेत्र नम्बर २ को भारदहमा
आन्दोलनकारी र प्रहरी बिच झडप हुँदा संघीय समाजवादी फोरमका क्षेत्रीय
अध्यक्ष विरेन्द्र माझी, जोगेन्द्र यादवलगायत घाईते भएका छन् । झडपमा एक
प्रहरीसमेत घाईते भएको स्थानियले जानकारी दिएका छन् । झडपपछि
आन्दोलनकारीहरुले भारदह चोकमा पुर्व पश्चिम लोकमार्ग अवरुद्ध पारेका छन् ।
Post a Comment