जाजरकोट, साउन १३ – जाजरकोट जिल्लाको
पश्चिमी क्षेत्रको अति विकट मजकोट गाविस वडा नं ३ र ९ जोड्ने विराखोलामा
रहेको पुल मंगलवार राती आएको बाढीले बगाएको छ । दह, कोर्ताङ्ग र मजकोट तीन
गाविसलाई जोड्ने काठेपुल बगाएपछि त्यस क्षेत्रका हजारौं बासिन्दा समस्यामा
परेका छन् ।
पक्की पुल नभएको र कच्ची काठेपुल बाढीले
बगाईदिएपछि स्थानीयबासिन्दालाई यतिवेला आवतजावतमा निकै समस्या परेको छ ।
विद्यार्थी विद्यालय जान सकिरहेका छैनन् भने सदरमुकाम खलंगा र अन्य गाविस
जान स्थानीयबासिन्दालाई घण्टौं हिँड्नुपर्ने बाध्यता रहेको नागरिक सचेतना
केन्द्रका संयोजक अमर नेपालीले बताउनुभयो ।
पक्की पुल बनाउनका लागी २०६९ सालदेखि गाउँ
परिषद , इलाका परीषद हुँदै जिल्ला परिषदबाट पनि योजना पास भएको तर
हालसम्म जिल्ला विकास समिति र स्थानीय राजनीतिक दलका नेताको बेवास्ताका
कारण समस्या आइपरेको स्थानीय पदम वहादुर शाहीले बताउनुभयो । यस क्षेत्र
सदरमुकामबाट दुईदिनको पैदल दूरीमा पर्दछ ।
Post a Comment