काठमाडौं, साउन ६ - संविधानको प्रारम्भिक
मस्यौदामा नागरिकले दिएका सुझावलाई एकीकृत गर्ने काम सुरु भएको छ । सबै
सुझाव एक ठाउँमा राखेर बर्गीकरण गरिने नागरिक सम्बन्ध तथा संविधान सुझाव
समितिले जनाएको छ ।
समिति सभापति प्रमिला राणाका अनुसार
सहमति, असहमति र नयाँ विषय गरेर सुझावलाई बर्गीकरण गरिनेछ । नागरिकले दिएका
सबै सुझाव समेट्नेगरी संविधानसभामा पठाउने तयारी भएको उहाँले जानकारी
दिनुभयो । समितिलाई भोलिसम्ममा सुझाव समेटेर प्रतिवेदन बुझाउन समय दिइएको छ
। तर भोलिसम्म भ्याउन नसकिने भएकाले केही दिन समय थप गर्न आग्रह गरिने
राणाले बताउनुभयो । यसबारे समितिले आज संविधानसभाका अध्यक्ष सुवासचन्द्र
नेम्वाङसँग छलफल गर्ने तयारी गरेको छ ।
हिजो र अस्ति देशव्यापी अभियान गरेर सुझाव
संकलन गरिएको हो । सबै जिल्ला सदरमुकाम र निर्वाचन क्षेत्रमा भएका
प्रत्यक्ष सुझाव संकलन कार्यक्रम तथा संविधानसभा सचिवालयमा फोन र
इमेलमार्फत सुझावको ओइरो लागेको छ ।
Post a Comment