साउन
१० – इंग्लिस प्रिमियर लिगको उपाधि विजेता चेल्सीले मैत्रीपूर्ण फुटबलमा
फ्रान्सको क्लब पेरिस सेन्ट जर्मेन (पिएसजी)लाई पराजित गरेको छ । अमेरिकाको
नरदन क्यारोलिनामा रहेको ब्यांक अफ अमेरिका स्टेडियममा भएको मैत्रीपूर्ण
खेलमा चेल्सीले पिएसजीलाई टाइब्रेकरमा ६–५ ले हराएको हो । 
निर्धारित
समयको खेल एक एकको बराबरीमा सकिएपछि खेलको निर्णय टाइब्रेकरबाट लिइएको हो ।
२४ औं मिनेटमा जाल्टान इब्राहिमोविचको गोलबाट पिएसजीले सुवाती अग्रता
लिएको थियो । तर ६५ औं मिनेटमा चेल्सीका भिक्टर मोसेसले गोल गर्दै खेल १–१
को बराबरीमा ल्याएका थिए । 
टाइब्रेकरमा
चेल्सीका गोलकिपर टिबो कर्ट्वाले विजयी गोल गरे । अबको दुई हप्तापछि सुरु
हुने इंग्लिस प्रिमियर लिग अघि मैत्रीपूर्ण खेलका लागि अमेरिका पुगेको
चेल्सी यसअघि गएको सोमबार भएको खेलमा न्यु योर्क रेड बुल्ससँग भने ४–२ ले
पराजित भएको थियो ।
Post a Comment