सिन्धुली, साउन ४ - सिन्धुली जिल्लाको तीन
वटै निर्वाचन क्षेत्रमा अब बन्ने नयाँ संविधानको पहिलो मस्यौदामाथि सुझाव
दिने स्थानीयबासिन्दा उत्साहित भएर सहभागी भएका छन् ।
मस्यौदामाथिको सुझाव सङकलनका लागि
क्षेत्र नं. १ को दुधौली र खाङसाङ, क्षेत्र नं. २ को सदरमुकाम सिन्धुलीमाढी
र भिमेश्वर खुर्कोट, क्षेत्र नं. ३ को कपिलाकोट र झाँगाझोली रातमाटा
गाविसलाई केन्द्र तोकिएको छ ।
पहिलो दिन सोमबार निर्बाचन क्षेत्र नं. १
को दुधौलीमा, क्षेत्र नं. २ को सदरमुकाम सिन्धुलीमाढी र क्षेत्र नं. ३ को
कपिलाकोट गाविसमा सम्बन्धित क्षेत्रका सभासद र नागरिकहरु एकै थलोमा बसेर
नयाँ संविधानको मस्यौदामाथि छलफल गरेका हुन् । मङगलबार बाँकी केन्द्रमा
सुझाव संकलनको काम हुने जिल्ला प्रशासन कार्यालयले जनाएको छ ।
छलफलमा सहभागी विभिन्न राजनीतिक दल,
व्यापारी, दलित, आदिबासी जनजाति, एकल महिला, पेशाकर्मी, विभिन्न सामाजिक
सङ्घ संस्थाका प्रतिनिधिहरुले सङ्घीय लोकतान्त्रिक संविधान नेपाली जनतालाई
सकेसम्म चौडै दिन सभासदसमक्ष सुझाव दिएका छन् ।
संविधानको मस्यौदामाथि सर्बसाधारण
नागरिकले दिएका सुझावको ओईरो लागेको छ । सदरमुकाम सिन्धुलीमाढीमा भएको
सुझाव सङ्कलन कार्यमा झण्डै हजारको हाराहारीमा नागरिकको उपस्थिती भएको थियो
।
सदरमुकाम सिन्धुलीमाढीमा सुझाव संकलन
कार्यमा सहभागीहरुले राष्ट्रपतिलाई मात्र नभई न्यायालयभित्र भित्र पनि
महाअभियोग लगाउने व्यवस्था संविधानमा राख्न सभाागिहरुले जोड दिएका छन् ।
क्षेत्र नं. २ का सभासद मोहनप्रसाद बरालले नागरिकबाट प्राप्त सुझावहरुलाई
जस्ताको तस्तै संविधानसभामा बुझाउने बताउनुभयो ।
Post a Comment