काठमाडौं, साउन १३ – एकीकृत नेकपा
माओवादीका नेता एवं संवैधानिक राजनीतिक संवाद तथा सहमति समितिका सभापति डा.
बाबुराम भट्टराईले मस्यौदा समितिले सहमति विपरीत संविधानको मस्यौदा तयार
पारेको आरोप लगाउनुभएको छ । बुधबार नेपाल पत्रकार महासंघको ज्ञापनपत्र
बुझ्दै उहाँले संवाद समिति र संविधानसभाले दिएको निर्देशन विपरीत मस्यौदा
आएको आरोप लगाउनुभएको हो ।
‘कम्प्युटरले मस्यौदा लेखेजस्तो भएको छ’
उहाँले भन्नुभयो, ‘यसले आफ्नै मृत्युपत्रमा हस्ताक्षर गरेजस्तो आशंका पैदा
भएको छ ।’ भट्टराईले विषयवस्तुलाई रातारात तोडमोड गरिनु आपत्तिजनक भएको
बताउनुभयो । प्रेस स्वतन्त्रता, दलित लगायत पछाडि पारिएका वर्गको अधिकार
कटौती गर्नेगरी मस्यौदा समितिले प्रतिवेदन तयार पारेको आरोप लगाउनुभयो ।
Post a Comment