काठमाडौं, साउन ९ – काठमाडौंको जोरपाटीमा
रहेको जया देवकोटा क्याम्पसका शिक्षकले भूकम्प प्रभावित बालबालिकालाई
शैक्षिक सामग्री वितरण गरेका छन् । क्याम्पसका संयोजक सुमन खनालको अगुवाइमा
रामेछाप र काठमाडौंका विभिन्न विद्यालयका भूकम्प प्रभावित बालबालिकालाई
शैक्षिक सामग्री वितरण गरिएको हो ।
शनिबार
काठमाडौंको लप्सेफेदीको वैर महादेव प्राथमिक विद्यालयका ८० जना
विद्यार्थीलाई शैक्षिक सामग्री वितरण गरिएको खनालले बताउनुभयो । यसअघि पनि
रामेछापका तीन वटा विद्यालयका विद्यार्थीलाई स्कुल पोशाक सहित शैक्षिक
सामग्री वितरण गरिएको उहाँले जानकारी दिनुभयो ।
रामेछापको मन्थली–११ को खाँडदेवी प्राथमिक
विद्यालय, रामेछाप–३ को बाल कल्याण प्राथमिक विद्यालय र रामेछाप–४ को
विद्यालयमा पुगेर शैक्षिक सामग्री वितरण गरिएको उहाँले जानकारी दिनुभयो ।
Post a Comment