डोटी, साउन ११ – चिसोका कारण यार्सा संकलन
गर्न गएका बझाङका एक युवक सोमबार मृत्त अवस्थामा फेला परेका छन् ।
सुदूरपश्चिम क्षेत्रीय प्रहरी कार्यालय दिपायलका अनुसार जिल्लाको विकट
काडाँ–३ धलौनका २७ वर्षका छोरा दिर्कबहादुर बोहरा यार्सा संकलनका क्रममा
राईढुंगी हिमालमा मृत्त अवस्थामा फेला परेका हुन् ।
यार्सा संकलन गर्न एक महिना अघि हिमाल
गएका बोहरा आफू बस्ने गरेको पाल भन्दा झण्डै एक घण्टाको दुरीमा मृत्त
अवस्थामा फेला परेको प्रहरीले जनाएको छ ।
घटनाबारे जानकारी प्राप्त भएपछि सीमा
प्रहरी चौकी धुलीका ईन्चार्ज प्रहरी नायब निरीक्षक धर्मानन्द जोसीको
नेतृत्वमा प्रहरी टोली घटनास्थल गएको र आवश्यक अनुसन्धान भैरहेको जिल्ला
प्रहरी कार्यालय बझाङका प्रहरी नायब उपरीक्षक लक्ष्मी अधिकारीले बताउनुभयो ।
Post a Comment