महेन्द्रनगर, भदौ २६ - प्रहरीले थरुहट
थारुवान संयुक्त संघर्ष समितिले शुक्रबार कञ्चनपुरको बेलौरीमा गरेको विरोध
सभामा घरेलु हतियारसहित ४ जनालाई पक्राउ गरेको छ । प्रहरीले सभामा घरेलु
हतियार चक्कु, गुलेली, मट्याङ्ग्रासहित सहभागी हुन खोजेको भन्दै ४ जनालाई
पक्राउ गरेको हो ।
आमसभामा घरेलु हतियारसहित सहभागी हुन
खोजेका बेलौरी नगरपालिका ८ का २३ वर्षिय दिपेश चौधरी र वडा नम्बर ५ का १८
वर्षिय सुरेश रानालाई चक्कुसहित पक्राउ गरिएको जिल्ला प्रहरी कार्यालय
कञ्चनपुरका प्रहरी प्रवक्ता डिएसपी केदार खनालले जानकारी दिनुभयो । बेलौरी
नगरपालिका ३ का २१ वर्षिय सुरेश चौधरी, वडा नम्बर ४ का ३५ वर्षिय लक्ष्मण
चौधरीलाई गुलेली र मट्यांग्रासहित पक्राउ गरिएको उहाँले बताउनुभयो । पक्राउ
परेका चारैजनालाई शुक्रबार राती जिल्ला प्रहरी कार्यालय कञ्चनपुरमा लगिएको
छ ।
थरुहट थारुवान संयुक्त संघर्ष समितिले
शुक्रबार कञ्चनपुरको बेलौरीमा विरोध सभाको आयोजना गरेको थियो । सभालाई
थरुहट तराई पार्टीका केन्द्रीय सदस्य भानुराम चौधरी, संघीय समाजवादी फोरम
नेपालका सहअध्यक्ष राजेन्द्र श्रेष्ठ, आदिवासी जनजाति राष्ट्रिय महासंघका
पूर्वअध्यक्ष डा. ओम गुरुङलगायतले सम्बोधन गरेका थिए ।
संविधानमा कञ्चनपुर र कैलालीसहितको
थारुवान प्रदेश बनाउनुपर्ने आफुहरुको माग रहेको भन्दै पहाडी समुदायसँग
आफूहरुको लडाई नभई अधिकार प्राप्तिका लागि राज्यसँगको लडाई भएको उनीहरुले
बताएका छन । प्रमुख राजनीतिक दलका शीर्ष नेतृत्वले समस्या समाधानका लागि
गम्भीरता नदेखाएकै कारण अहिले देशभैर अशान्ति भइरहेको उनीहरुको भनाई छ ।
आमसभालाई मध्यनजर गर्दै स्थानीय प्रशासनले
सुरक्षा व्यवस्था निकै कडा पारेको थियो । सशस्त्र प्रहरी र नेपाल प्रहरी
ठूलो संख्यामा खटिएका सुरक्षाकर्मीले आमसभास्थलमा सहभागी हुनेलाई चेकजाँच
गरेर मात्र प्रवेश गर्न दिएका थिए ।
Post a Comment