ओखलढुंगा, भदौ २५ – प्रकोपसँगै सामाजिक
रूपले समेत उच्च जोखिममा रहेका ओखलढुंगाका चार हजार बालबालिकाहरुलाई
विभिन्न संस्थाहरुले सहयोग गरेका छन् । युनिसेफ नेपालको आर्थिक सहयोगमा १८
वर्षमुनिका ती बालिकाले शैक्षिक सामग्रीसँगै नगद सहयोग वितरण शुरु भएको छ
।
महिला तथा बालबालिका कार्यालय र जिल्ला
बालकल्याण समितिको संयोजनमा विभिन्न संघ संस्थाले सहयोग गरेका हुन् । १२
वैशाखमा गएको भूकम्पपछि जिल्लामा रहेका बालबालिकाको तथ्यांक संकलन गर्ने
काम भइरहेको छ । संकलित तथ्यांकबाट जोखिममा रहेकाको पहिचान गरी सहयोग दिन
थालिएको जिल्ला बालअधिकार अधिकृत झम्केश्वर ओझाले बताउनुभयो ।
खासगरी बाबुआमासँग अलग्गिएको, अभिभावक
बितेका, सडक बालक, बालमजदुर, अपांग बालबालिकालाई पहिलो प्राथमिकताका साथ
सहयोग दिइने छ । हालसम्म ‘एकीकृत स्रोत व्यवस्थापन समिति’ ले संकलन गरेको
तथ्यांक अनुसार जिल्लाभित्र १८ वर्षमुनिका चार हजारभन्दा बढी बालबालिका
रहेका छन् ।
युनिसेफको सहयोगमा जिल्लाको विभिन्न
गाविसको १६ स्थानमा बालमैत्री स्थलसमेत सञ्चालन भइरहेको महिला तथा
बालबालिका कार्यलयका प्रमुख प्रवला श्रेष्ठले बताउनुभयो । हाल विभिन्न
संघसंस्था मार्फत तत्काल सहयोग दिइए पनि जोखिमताको अवस्थालाई विश्लेषण गरी
आगामी दिनमा महिला बालबालिका कार्यालयले सहयोग गर्ने श्रेष्ठको भनाई छ ।
सहयोग अन्तर्गत बालमैत्री स्थलका
बालबालिकालाई विद्यालय पोशाक, रुमाल, लुगा धुने साबुनलगायत सहयोग वितरण
भइरहेका छन् । उच्च जोखिमका बालबालिकालाई भने पाँच हजार बराबरको नगद वा
आवश्यक सामग्री वितरण गरिने छ ।
Post a Comment