असार
२२ – श्रीलंका विरुद्धको टेष्ट श्रृँखला पाकिस्तानले जितेको छ । मंगलबार
सम्पन्न तेश्रो तथा अन्तिम टेष्टमा ७ विकेटले पराजित गर्दै पाकिस्तानले २
टेष्ट श्रृँखला २–१ ले जितेको हो ।
तेश्रो टेष्टमा ३ सय ७७ रनको लक्ष्य
पछ्याएको पाकिस्तानले ३ विकेट गुमाउँदै लक्ष्य पुरा गर्यो । पाकिस्तानको
जितमा युनिस खान र सान मसुदले तेश्रो विकेटका लागि गरेको २ सय ४२ रनको
साझेदारी पर्याप्त बन्यो । पाकिस्तानको
जितमा युनिस खानले अविजित १ सय ७१, मसुदले १ सय २५ र कप्तान मिस बा उल
हकले अविजित ५९ रन बनाए । चौथो पालीमा श्रीलंकाका थारिन्दु कौशल, सुरङ्गा
लकमल र दाम्विका प्रसादले १–१ विकेट लिएपनि हार टार्न सकेनन् । यसअघि
टस हारेर पहिले ब्याटिङ गरेको घरेलु टोली श्रीलंकाले दिमुत करुणरत्नेको १
सय २९ रनको मदतमा पहिलो इनिङमा २ सय ७८ रन बनाएको थियो । जवाफमा
पाकिस्तानले पहिलो इनिङमा २ सय १५ रन मात्र बनाएको थियो । पहिलो
इनिङमा ६३ रनको अग्रता लिएको श्रीलंका दोश्रो इनिङमा ३ सय १३ रनमा अल आउट
भयो । श्रीलंकाका लागि कप्तान एन्जोलो म्याथुजले १ सय २२ रनको पारी खेलेका
थिए । पहिलो टेष्ट पाकिस्तानले १० विकेट जितेको थियो भने दोश्रो टेष्टमा
श्रीलंका ७ विकेटले विजयी भएको थियो ।
साभार : उज्यालो अनलाईन
Post a Comment