३ असोज, काठमाडौं । ‘एक जुगमा एक दिन, एकचोटि आउँछ । उलटपुलट, उथलपुथल हेरफेर ल्याउँछ …’
गोपालप्रसाद रिमालले लेखेको गीतमा भनेझै आज नेपालका लागि त्यही दिन हो, जुन दिन जनताले आफ्ना जनप्रतिनिधिमार्फत बनाएको संविधान घोषणा हुँदैछ ।
दोस्रो जनआन्दोलन ०६२/६३ का उपलब्धिहरु गणतन्त्र, संघीयता, धर्म निरपेक्षता र समानुपातिक समावेशीलाई संस्थागत गर्दै बनेको नयाँ संविधान जारी गर्ने ऐतिहासिक दिनको हो आज ।
एक जुगमा एकपटक आउने दिनका लागि संविधानसभालाई यतिबेला दुलहीजस्तै सिंगारिएको छ ।
साँझ पाँच बजे औपचारिक कार्यक्रमका बीच राष्ट्रपति डा. रामवरण यादवले नेपाली कागजमा छापिएको संविधानमा हस्ताक्षर गर्दै लागू भएको घोषणा गर्नेछन् ।
http://www.onlinekhabar.com/
Post a Comment