नवलपरासी, असार ३१ – नवलपरासी जिल्लालाई साक्षर जिल्ला घोषणा गरिएको छ । बिहीबार एक समारोहकाबीच शिक्षा मन्त्री चित्रलेखा यादवले साक्षर जिल्ला घोषणा गर्नुभएको हो ।
युनेस्कोले तोकेको मापदण्ड अनुसार ९८
प्रतिशत जिल्लावासी साक्षर भएपछि जिल्लालाई साक्षर जिल्ला घोषणा गरिएको
जिल्ला शिक्षा अधिकारी खड्कबहादुर कुमालले बताउनुभयो । ७ लाख १० हजार ३७
कुल जनसंख्या रहेको नवलपरासीमा १५ देखि ६० वर्ष उमेर समुहका कुल ४ लाख ३०
हजार ८ सय ४ जनसंख्या रहेको छ ।
जसमध्ये जिल्लामा ४ लाख २० हजार ५ सय
जनसंख्या साक्षर भैसकेको प्रतिवेदनले देखाएको अनौपचारिक शाखाका प्रमुख
सहायक जिल्ला शिक्षा अधिकारी तोयनाथ लम्सालले जानकार दिनुभयो ।
जिल्लामा ९२ प्रतिशत साक्षर भैसकेको
साक्षरता अभियानको सबै आयाम समेटेर बनाइएको प्रतिवेदन पढेर शिक्षा मन्त्री
यादवले साक्षर जिल्ला घोषणा गर्नु भएको हो ।
साक्षर जिल्ला बनाउन सफल भएकोमा अनौपचारिक
शिक्षा विभागले जिल्ला शिक्षा कार्यालय नवलपरासीलाई पाँचलाख नगद पुरस्कार
दिएको छ । ६ नगरपालिका र ५९ गाविसमा जिल्ला शिक्षा कार्यालयले तीन
वर्षदेखि साक्षरता अभियान चलाउँदै आएको थियो ।
Post a Comment