काठमाडौं, असार ३१ – गणेशमानसिंह
सामुदायिक वन पुरस्कार कपिलवस्तु महेन्द्रकोटको वसन्तपुर सामुदायिक वन,
जामुने ६ तनहुँको सिद्धबतासन सामुदायिक वन र मधुमल्ला गाविस मोरङको
मवानुसरी सामुदायिक वनलाई प्रदान गरिएको छ ।
ललितपुरको गोदावरीमा भएको कार्यक्रममा
वनमन्त्री महेश अाचार्यले सामुदायिक वनलाई पुरस्कार प्रदान गर्नुभएको हो ।
बसन्तपुर सामुदायिक वनलाई १ लाख, सिद्धबतासन सामुदायिक वनलाई ७५ हजार र
मवानुसरी वनलाई ५० हजार रुपैयाँ प्रदान गरिएको हो ।
यस्तै, नीजी वन व्यवसायीलाई प्रोत्साहन
गर्ने उदेश्यले यसवर्षदेखि वन विभागले प्रदान गर्न थालेको नीजि वन पुरस्कार
भने विराट उडल्याण्ड मोरङका रेवतबहादुर कार्की, ललितपुरका दलबहादुर
तिमिल्सिना र झापा बुधबारेका उद्धव सिवाकोटीलाई प्रदान गरिएको छ ।
कार्कीलाई ५० हजार, तिमिल्सिनालाई ४० हजार
तथा सिवाकोटीलाई ३० हजार रुपैयाँको नगद पुरस्कार दिइएको हो । यस्तै
सर्लाही वरन्वाका रामचन्द्र शाहलाई १० हजार रुपैयाँको सान्त्वना पुरस्कार
दिइएको वन विभागका प्रचारप्रसार विभाग प्रमुख फणिन्द्र पोखरेलले जानकारी
दिनुभयो ।
Post a Comment