काठमाडौं, साउन ४ – काठमाडौं उपत्यकाका
बिभिन्न ठाउँमा बिहानैदेखि सुझाव संकलनको चहलपहल सुरु भएको छ । काठमाडौंको
निर्वाचन क्षेत्र नं १ का लागि दशरथ रङ्गशाला, विजयस्मारक स्कुल, बानेश्वर
व्याङ्केट र भिएस निकेतन स्कुलमा व्यवस्था गरिएको छ ।
क्षेत्र नं २ का लागि भगवती मावि साँखु,
सरस्वती मावि कोटेश्वर, आस्था पार्टी प्यालेस थली र गोल्डेनगेट उमावि
पुरानो बानेश्वरमा तय गरिएको छ । क्षेत्र नं ३ का लागि आलापोटको कागेश्वरी
पुस्ताकालय, सुन्दरीजलको ओख्रेनी मावि, समता स्कुल नयाँबस्ती बौद्धमा पुगेर
नागरिकले आफ्ना सुझाव दिन सक्नेछन् ।
क्षेत्र नं ४ का बासिन्दाले बास्केटबल
कोर्ट गोल्फुटार, मिलनचोक पार्टी प्यालेस, गोल्डेन लाइट पार्टी प्यालेस र
अग्रवाल भवन कमलपोखरीमा पुगेर सुझाव दिन सक्नेछन् । क्षेत्र नं ५ मा पुरानो
गाविस भवन टोखा, धुम्बाराही पार्टी प्यालेस, धापासी नेचर क्लब र परेली
पार्टी प्यालेसका लागि स्थान तय गरिएको छ ।
क्षेत्र नं ६ मा मानसिंह धर्म उमावि,
लैनचौरमा दुग्ध विकास संस्थान नजिकै र पब्लिक बोर्डिङ स्कुल, क्षेत्र नं ७
मा बालाजु पार्क, क्षेत्र नं ८ का लागि ज्ञानोदय उमावि बाफल, क्षेत्र नं ९
का लागि तीनकुने ग्राउण्ड कुलेश्वर र बलम्बु गुर्जुधारा–८ जिविसको पुरानो
भवनलाई सुझाव दिने स्थानका रूपमा तय गरिएको छ ।
त्यसैगरी क्षेत्र नै १० का जनताले पाँगा
पार्टी प्यालेस कीर्तिपुर, त्रिभुवन आर्दश विद्यालय फर्पिङ, दक्षिणकाली
नगरपालिका र सतुङ्गल पार्टी प्यालेस, सतुङ्गल चन्द्रागिरि नगरपालिकामा
सुझाव दिने स्थानको रूपमा छनौट गरिएको छ ।
ललितपुरको निर्वाचन क्षेत्र नम्वर १ को
लागि गोदावरीको किट्नी विद्यालय र चापागाँउको फूलबारी रिर्सोट तोकिएको छ ।
त्यस्तै क्षेत्र नम्वर २ को सुझाव संकलन बालकुमारी नजिक भोलढोकामा रहेको
ज्यापू भवनमा हुनेछ । त्यस्तै क्षेत्र नम्वर ३ को लागि खुमलटारको नास्ट
परिसर तोकिएको छ ।
भक्तपुरमा कमलविनायक र ठिमीमा सुझाव
संकलनको काम हुने भएको छ । क्षेत्र नम्बर १ को लागि कमल बिनायकको स्टार
बैंकटमा कार्यक्रम हुनेछ । यस्तै क्षेत्र नम्बर २ को लागि भोलि ठिमीको यचु
पार्टी प्यालेसमा सुझाव संकलनको कार्यक्रम तय गरिएको छ ।
Post a Comment