६ सय मेगावाट विद्युत थप्ने घोषणाले उर्जा मन्त्रालय नै आश्चार्यमा
३१ असार, काठमाडौ । सरकारले बजेटमार्फत आगामी आर्थिक वर्षमा ६ सय
मेगावाट विद्युत थप्ने घोषणा गरेपछि स्वर्य उर्जा मन्त्रालय नै आश्चार्यमा
परेको छ । सरकारले ३०७२/७३ मा सय मेगावाट थपेर जडित क्षमता १४२८ मेगावाट
पुर्याउने लक्ष्य तय गरेको छ । आगामी आवको बजेट पुस्तिकाको अनुसूची १८ मा ६
सय मेगावाट थप हुने उल्लेख छ । कुन आयोजना सम्पन्न भएर यो लक्ष्य पूरा
हुन्छ भन्ने कतै उल्लेख छैन, कारोबार दैनिकमा खबर छ ।
जबकी आगामी आवमा ३० मेगावाटको चमेलियाबाहेक कुनै पनि आयोजना सम्पन्न हुने
देखिदैन । विद्युत प्राधिकरणले समयमै समस्या समाधान नगरेर चमेलिया पनि
सम्पन्न नभई शून्य हुने सम्भावना त्यत्तिकै छ । पुस्तिकामा हाल ८१८ मेगावाट
जडित क्षमता रहेको उल्लेख छ ।
६ सय मेगावाटको विषयलाई लिएर उर्जा सचिव राजेन्द्रकिशोर क्षेत्रीले
आश्चार्य प्रकट गरे ।
आगामी असारसम्म सम्पन्न हुने आशा गरिएको माथिल्लो तामाकोसी जलविद्युत
आयोजना भूकम्पका कारण एक वर्ष ढिलो हुने उनले बताए ।
सरकारले ६ सय मेगावाट विद्युत थपेर हिउँदमा लोडसेडिङ ८घण्टामा सीमित गर्ने
लक्ष्य लिएको छ । चालू वर्ष विद्युतको माग बढेर १२९१ मेगावाट पुगेको छ ।
विनासकारी भूकम्पले क्षति पुर्याएपछि सिन्धुपाल्चोकको ४५ मेगावाटको
माथिल्लो भोटेकोसी, १० मेगावाटको सुनकोसी लगायत १० आयोजना बन्द हुँदा
राष्ट्रिय प्रणालीमा ८० मेगावाट विद्युत आपूर्ति कम हुँदा दैनिक ६ देखि ७
घण्टा हाराहारीमा लोडसेडिङ भइरहेको छ ।
Post a Comment