जनकपुरधाम, साउन ४ - संविधानको मस्यौदामाथि सुझाव संकलनको क्रममा जनकपुरधाममा झडप भएको छ । झडपका क्रममा २० जना घाइते भएका छन् ।
मस्यौदामाथि सुझाव संकलन गर्न धनुषा
क्षेत्र नम्बर ४ का नागरिका लागि उद्योग वाणिज्य संघको सभाहलमा कार्यक्रममा
भइरहेका बेला मस्यौदाको विरोधमा रहेका मधेसवादी दल र प्रहरीबीच झडप भएको
हो ।
झडपका क्रममा घाइते भएका मध्ये मधेस
अधिकार संरक्षण समितिका सुशील कर्णको अवस्था गम्भीर रहेकाले उपचारका लाग
काठमाडौं पठाउन लागिएको जनकपुरमा अञ्चल अस्पतालले जनाएको छ । अरु घाइतेको
भने जनकपुरमा अञ्चल अस्पतालमा नै उपचार भइरहेको छ । झडपका कारण जनकपुरधामको शिव चोक र भानु चोक क्षेत्र तनावग्रस्त बनेको छ ।
मधेसी जनअधिकार फोरम लोकतान्त्रिक बाहेकका
सबै मधेसवादी दल, नेकपा माओवादी र मधेस अधिकार संरक्षण समितिका
कार्यकर्ताहरु सुझाव संकलन गर्ने ठाउँमा प्रवेश गर्न खोज्दा झडप भएको हो ।
मस्यौदाको विरोधमा रहेका र मस्यौदा
जलाउँदै आएका दल तथा समूहका कार्यकर्तालाई प्रहरीले सुझाव संकलन गर्ने
ठाउँमा प्रवेश दिएको थिएन । झडपपछि अहिले सुझाव संकलनको काम रोकिएको छ
। सुझाव संकलनको काममा अवरोध गर्नका लागि मधेस अधिकार संरक्षण समितिले जनकपुर बन्द समेत गरेको छ ।
Post a Comment