ग्वाङ्जुमा नेपालको पदकविहीन यात्रा - सबै चुनौती समाप्त

  काठमाडौ, असार २७ - दक्षिण कोरियाको ग्वाङ्जुमा जारी २८औँ समर युनिभर्सियाड गेम–२०१५ मा नेपाली टोलीको पदकविहीन यात्रासँगै सबै चुनौती समाप्त भएको छ । प्रतियोगिताको अाइतबार ११औँ दिन टेबलटेनिस र तेक्वान्दो खेलाडीले पराजय भोगेसँगै नेपालको चुनौती समाप्त भएको हो ।

टेबलटेनिसका दीप साउद र तेक्वान्दोकी निमा गुरुङ दुवै पराजित भएका छन् । तेक्वान्दोतर्फ महिलाको ५३ केजीमुनि निमा कोलम्बियाकी पेड्रोजो इरिक सेसिलियासँग ५–१८ ले पछि पर्दै पराजित भइन् । 

त्यस्तै, टेबलटेनिसको पुरुष एकलमा राष्ट्रिय च्याम्पियन दीप नकआउट चरणको पहिलो खेलमा भेनेजुएलाका कोरिए फिग्युरोसँग ८–११, ५–११, ११–६, ७–११ र १२–१४ ले पराजित भए । टेबलटेनिस र तेक्वान्दोसहित विभिन्न ७ खेलमा नेपालबाट १९ खेलाडीले सहभागिता जनाएका थिए ।

लनटेनिस, आर्चरी, फेन्सिङ, पौडी र ब्याडमिन्टनबाट नेपाली खेलाडी यसअघि नै बाहिरिइसकेका छन् । राष्ट्रिय खेलकुद परिषद् ९राखेप०का अनुसार दुई वर्षको अन्तरालमा हुने युनिभर्सियाडमा नेपालले योपटक सहभागिता जनाएको खेल र खेलाडी सङ्ख्या अहिलेसम्मकै बढी हो ।