सल्यान, असार २८ – शिक्षक सेवा आयोगका
अध्यक्ष उदयराज सोतीले शिक्षक सेवा आयोगको परीक्षालाई लोक सेवा आयोगको
जस्तै बनाउने तयारी भैरहेको बताउनुभएको छ ।
सोमबार सल्यानमा भएको कार्यक्रममा अध्यक्ष
सोतीले शिक्षकको क्षमतालाई वैज्ञानिक, व्यवहारिक र समयसापेक्ष बनाउनका
लागी शिक्षक सेवा आयोगको पाठ्यक्रममा हेरफेरको तयारी भएको बताउनुभयो ।
तीनघण्टे परिक्षाले मात्रै योग्य शिक्षक उत्पादन गर्न नसक्ने उहाँले
बताउनुभयो ।
लोकसेवा आयोग, त्रिभुवन विश्वविद्यालय र
उच्च माध्यमिक शिक्षा परिषदसँग समन्वय गरेर शिक्षकको परीक्षाको आधार बनाउन
लागिएको सोतीले जानकारी दिनुभयो । शिक्षण विधि, विषयवस्तु, प्रयोगात्मक,
अन्तर्वार्ता तथा समसामयीक कुराहरुलाई ध्यानमा दिएर परीक्षाको पाठ्यक्रम
बनाउने उहाँले जानकारी दिनुभयो ।
शिक्षा क्षेत्रमा व्यापक अनिश्चितता र
दबाब भएकाले वार्षिक क्यालेण्डर बनाएर काम गर्न नसकेको उहाँले दाबी
गर्नुभयो । शिक्षक सेवा आयोगको परीक्षामा राजनीतिक दबाब आएको दाबी गर्दै
अध्यक्ष सोतीले मन्त्रीहरुले समेत खाममा नामलिष्ट पठाउने गरेको बताउनुभयो ।
Post a Comment